هبال الجماهير اللي يجي بدون مقدمات .. (رجاءً اللي مايتابع كآس العالم لا يدخل)

السبت, يونيو 28, 2014 - 02:07


تشوفون اللي أشوفه طبعا .. اذا المخرج حط الكاميرا على الجمهور ينهبلون ويفرحون بشكل تلقائي مافيه تصنّع ولا لواقه ومصاله .. تنحط الكاميرا عليه ثم فجأه ينهبل ويفرفش ويطامر بدون مقدمات لأن كشرته اللي حاليها ربي طلعت على الشاشة اللي يتابعها نصف سكان الكرة الأرضية وشافوه ربعه وأخوياه وأقاربه وزملائه في الدوام وأنسباه وعيال جيرانهم وكل اللي يعرفونه شافوه واللي ما يعرفونه بعد .. وبيحتفظ بهاللقطه اللي مدتها ثواني طول عمره .. يتميلح بها لين يوصل عمره 90 .. المهم .. فيه لقطه تجسّد كل هالمعاني اللي ذكرتها .. ولو ماجا من المخرج إلا إنه حط الكاميرا على هالبزر .. والمفروض المخرج يسحب على أم المباراة ويحط الكاميرا على هالبزر اللي بغت تجيه سكته قلبيه من الفرحه وسوى حركات لا إراديه غير مفهومه ورقص وهو مستعجل قبل تروح الكاميرا عنه .. ياحليله ذا البصوه كنه مشبوك على كهرب 220 أتوقع جاه شدّ عضلي في بطنه يوم راحت الكاميرا عنه .. ضحكت من حركاته وتصرفاته ضحك لين أوجعتني جنوبي ..

http://yakhabar.com/post/21586

اضف تعليق

CAPTCHA
This question is for testing whether or not you are a human visitor and to prevent automated spam submissions.