صورة من موقع cnn العربيه .. يوجد شطحه أليمه بالداخل !

السبت, يونيو 28, 2014 - 03:38

بخصوص الكلام اللي مظلل بالأزرق بالبرنت سكرين .. قاعد أتمشى بمواقع الأخبار وقريت هالخبر البطل .. بالله تكفون أحد يعرف رئيس تحرير الموقع ؟ وإلا مبرمج عندهم أو أي مراسل ؟ بس بسأله متى تم منع الإمامة لغير السعوديين عشان يتم السماح بها أصلاً ؟ أتعب أنا وأقف حائراً مذهولاً مع هالخبر الحصري والمعلومة الخطيره ذي حقتهم .. من عرفت نفسي والمسجد اللي بحارة خوالي بالبديعة يصلي بهم صومالي جاي يدرس بجامعة الإمام .. ومسجد حارتنا إذا شطفنا الإمام الله يجزاه خير وتأخر عن الصلاة والمساجد اللي جنبنا بدت تصلّي وقاموا الشيّاب يتلفتون يدورون إمام سنع ما يصلي بنا إلا الباكستاني حق حلقة التحفيظ .. عاد خنّ نتخيّل .. أمر ملكي كريم من المقام السامي يقول : عادي من الآن فصاعداً يصلون بكم الأجانب في مساجد السعودية .. ثم تفرح الصحافه والإعلام برفع الحظر عن إمامة الأجانب بالسعودية .. ثم تنفتح هاشتاقات تكبّر وتهلل للقرار الملكي الحكيم من حكومتنا الرشيدة .. وتوضّح ما للقرار من أثر عظيم على إقتصاد السعودية وعلاقاتها بالدول المجاروة ونظرة العالم الإسلامي والغربي للسعودية حكومةً وشعباً .. ثم نلقى بالنت صوره للفريان مصوّر سيلفي مع إمام مسجد صومالي لابس غتره بيضا بدون عقال ومستحي .. حركات والله يا CNN !!

http://yakhabar.com/post/304956

اضف تعليق

CAPTCHA
This question is for testing whether or not you are a human visitor and to prevent automated spam submissions.