بشرى سارة .. تم إفتتاح صالة راقية للإسترخاء والإستجمام بمطار الملك خالد الدولي!

الثلاثاء, أغسطس 5, 2014 - 17:06

أصلاً أنا من شفت مطار الملك خالد كنه خيمه من برى وانا داري إن الأمور مدحدره .. وقبل فتره فيه تجديدات وتطوير وعمال داخلين طالعين وبالأخير مركبّين كراسي اللي تجلس عليها وتنسدح يعني (ترانا مطولين ريّح وش وراك) .. يعني إن تأخرت الرحله حقتك لا تجي تصجّنا وتهاوش رح إنسدح وأرقد وعضّ على شحمه لين نناديك بالمكرفون اللي صوته كنه صوات واحد يتكلم مع خشمه .. على طاري ذاك المكرفون محد يفهم له حتى الرجال اللي يتكلم بالمكرفون لو تسأله وش قاعد تقول أنت ؟ بيقول لك مدري .. المهم لو مركّبين لنا كراسي مساج وحاطين طاولات بلياردو وتنس بيكون والله إنه أصرف ويقلبون المطار كله نادي وصالة ألعاب .. تبون الصدق ؟ متحسف به من بكره وإلا ما فيه شي يفتح النفس !

http://yakhabar.com/post/305336

اضف تعليق

CAPTCHA
This question is for testing whether or not you are a human visitor and to prevent automated spam submissions.