خمس أسباب لعقدة الفرانكو

أموت و أعرف مين ابن الفقرية اللي اخترع الفرانكو ؟؟ فكرت في إيه و إنت بتخترعه ؟؟
1- أبوك كان بيعذبك بحل الفوازير و إنت صغير ؟؟
2- أمك كانت بتسيبك في الضلمة مثلا فطلعت بتهته في الكلام و هاتطلعه علينا ؟؟
3- خطك وحش في العربي و الميس كانت بتلبسك طرطور و توقفك بالمقلوب قدام العيال في ركن الفصل و العيال كانت بتألش على البوكسر بتاعك اللي باين و إنت رافع إيديك لفوق فقررت تنتقم ؟؟
4- عندك شيزوفرينيا فبتتكلم لغة و تكتب لغة تانية ؟؟
5- كنت بتقرا روايات رجل المستحيل و إنت صغير و كنت بتحلم تبقى راجل مخابرات و تكتب بالشفرة و قررت تحقق أحلامك على حساب أهالينا .
م الآخر كده .. مين عقدك بتخلصه منا ؟؟