غدوة مصري..أم اللي عايز ياكل

الاثنين, مايو 11, 2015 - 13:27

بما إننا في أول الشهر قلت أروق العيال وأبوهم وأعملهم بامية، طبعا عشان المرتب يكمل لأخر الشهر قلت يابت خليكي عاقلة واشتريها مجمدة واشتريت كيسين ب20 جنية ونص كيلو طماطم ب4 جنية وكيلو لحمة -مش طازة طبعا- مجمدة ب50 جنية وحبة رز وشوية سلطة وفاكهه قفلت ال100.

هااااااااار إسوخ 100 جنية عشان نتغدي انا وجوزي والعيال؟؟ وكمان وأنا لامه إيدي..أومال لو إتهفينا في نافخونا وقررنا نتغدى بره هندفع كام؟؟1000جنية؟؟

هاتوا لي وزير الإقتصاد؟؟ هاتوا لي كل الخُبرا اللي قارفينا ليل ونهار على الفضائيات هاديلهم مرتبي ومرتب البية جوزي واللي هيعرف فيهم يعمل لنا ميزانية تسترنا لأخر الشهر أكل ودروس وكهربا وغاز ودوا ومواصلات..هاديلة نسبة من المرتب لو فضل منه حاجه...أشوف فيكوا يوم ويكون أجازة

http://yakhabar.com/post/565451

اضف تعليق

CAPTCHA
This question is for testing whether or not you are a human visitor and to prevent automated spam submissions.