قُلة حُبنا

الاثنين, مايو 25, 2015 - 16:58

 

من كام يوم كنت سرحانة وإفتكرت أيام الكحرتة في الأجازة لما كنا بنروح البلد عند أهل والدتي- في قرية في الدقهلية- نجري ونلعب وناكل دُرة مشوي ونمُص قصب ونشرب من القُلل..

وفجأة ضربت في دماغي فكرة ليه ما أشتريش قُلة وأشرب منها زي زمان..عنها وبعت البواب يشتري لي واحدة..الراجل بصلي بإستغراب وضحك وشكلة قال في سره (الولية لَسعت)..المهم جابلي القُلة وفرحت بيها جدا_تقولوش رجعت سني كام سنة لورا- بس ما خلصتش من التريقة

 ..بنتي قالتلي حد بيشرب من الحاجات دي لسة؟؟دي طعمها رُخام؟؟ وابني بصلي بتعجب ومشي يبرطم ويقول (الستات لما بتكبر بتتهطل)..أما ماما فقالتلي : يا بنتي الناس بتتقدم وإنتي بتتأخري؟؟!

..مستنية بقى رد فعل جوزي حبيبي وغالبا هيكون حاجه من إتنين يا إما يخبطني بيها على نافوخي ويخلص مني..أو يبلغ عني مستشفى المجانين ولما ياخدوني ويروق مني هيشرب منها هو..وتبقى نهايتي بسبب قُلة حبنا

http://yakhabar.com/post/570046

التعليقات

صورة Anonymous
Anonymous (لم يتم التحقق)
او يكسرها وراكي لما يجوا يخدوكي

اضف تعليق

CAPTCHA
This question is for testing whether or not you are a human visitor and to prevent automated spam submissions.