إزاي تشل المواطن في 5 خطوات

الثلاثاء, مايو 26, 2015 - 16:46

الحكومات اللي هتموتنا مشلولين في 5 خطوات بس:


1- هتحط مع بطاقات التموين منشور يعلمنا القيم والأخلاق وتعلق عند البقال التمويني ورقة تعلمنا الأخلاق..إتعلمت يا أستاذ إتعلمتي ياهانم؟؟الواد اللي ورا إتعلمت ولا أجي أعلمك؟؟

2-عملين مؤتمر متكلف مبلغ وقدرة لتجديد الخطاب الديني..أول ما يخلص المؤتمر دوس ريستارت هتلاقي الخطاب إتجدد لوحده ولو ما إتجددش إعملك ويندوز جديد

3-بتقولكم ما تستخدموش المكانس الكهربا ولا الغسالات كتير..حضرتك قبل ماتنتقد لازم تفهم إن ده عودة للأصالة للمقشة الرز وطشت الغسيل كمان ده لتشجيع المُنتج المصري..المهم إن مرات الوزير هتقعد تمرُش الغسيل ع الطشت زينا؟؟

4- رغم إرتفاع درجة الحرارة مش راضيين يعترفوا إنها بتعدي ال50 في الصعيد ومناطق تانية وده عشان الحسد من الدول المجاورة وتحت شعار داري على حرارتك الشعب يقيد ويولع ونخلص من قرفه

5- هتعمل حفل إفتتلح أسطوري لقناة السويس والشعب مش لاقي ياكل وده طبعا معناه إن التاريخ عندنا مش بيعيد نفسة وبس لأ ده الشريط عمال يسف

http://yakhabar.com/post/570371

اضف تعليق

CAPTCHA
This question is for testing whether or not you are a human visitor and to prevent automated spam submissions.